بغلان؛ مرکز پلخمري ښار کې د ۶۵ چاپندازانو ترمنځ د وزلوبې سیالۍ پای ته ورسېدې
د بغلان ولایت د بدني روزنې او ورزش امریت اړوند د وزلوبې ملي فدراسیون د استازولۍ له لوري د یاد ولایت په مرکز پلخمري ښار کې د ۶۵ چاپندازانو ترمنځ د وزلوبې سیالۍ پای ته ورسېدې.
د دغو سیالیو په پایله کې پهلوان داد الله، پهلوان کریم، پهلوان سمیع الله او پهلوان کبیر د زیاتو امتیازونو په ترلاسه کولو سره غوره چاپندازان وپېژندل شول.
د یادو سیالیو موخه د هېواد په کچه د وزلوبې سیالیو ته د چاپندازانو چمتووالی و، چې دوې ورځې یې دوام وکړ.
