پکتیکا؛ مرکز ښرنه کې د ٢٠ دولتي ادارو ترمنځ د والیبال دویم پړاو سیالۍ پیل شوې
د پکتیکا ولایت د بدني روزنې او ورزش آمریت اړوند د والیبال فدراسیون د استازولي له لوري د ياد ولايت مرکز ښرنه کې د ٢٠ دولتي ادارو ترمنځ د والیبال دویم پړاو سیالۍ پیل شوې.
د یادو سیالیو لومړۍ لوبه د احصائيې او د کلیو د پراختیا ریاستونو لوبډلو ترمنځ ترسره شوه، چې په پایله کې یې د احصائيې ریاست لوبډلې د ٢ پر یو میدان په توپیر خپلې سیالې لوبډلې ته ماتې ورکړه او د سیالیو لومړۍ لوبه یې وګټله.
دا سیالۍ د دولتي کارکوونکو ترمنځ د پېژندګلوي او سالمې تفرېح برابرولو په موخه پیل شوي دي چې دوې اوونۍ به دوام وکړي.
