خوست کې د شپږو لوبډلو ترمنځ د اتل ټېپ بال کرکټ غوره ليگ سيالۍ پيل شوې
د خوست ولايت د بدني روزنې او ورزش امريت په همکارۍ د تڼيو ولسوالۍ په متا کلي ميدان کې د شپږو لوبډلو ترمنځ د اتل ټېپ بال کرکټ غوره ليگ سيالۍ، چې شاوخوا يوه مياشت به دوام وکړي، د اتل زمريانو لوبډلې په بريا پيل شوې.
د يادو سياليو لومړۍ لوبه د اتل زمريانو او اتل بازانو لوبډلو ترمنځ ترسره شوه، چې اتل زمريانو لوبډلې د لوبې پچې په گټلو سره په ټاکلو لسو اورونو کې د اوو لوبغاړو په سوځېدو سره سیالې لوبډلې ته د ۱۲۹ منډو هدف وټاکه، په مقابل کې اتل بازانو لوبډلې د ټولو لوبغاړو په سوځېدو سره يواځې ۸۲ منډې وکړې او لوبه يې د ۴۶ منډو په توپير وبايلله.
