خوست؛ ګربز ولسوالۍ کې د ۴۰ لوبډلو ترمنځ د ټېپ بال کرېکټ سیالۍ پیل شوې
د خوست ولایت د بدني روزنې او ورزش آمریت اړوند د ټېپ بال کرېکټ فدراسیون د استازولي له لوري او د TOL مؤسسې په مالي ملاتړ د یاد ولایت په ګربز ولسوالۍ کې د ۴۰ لوبډلو ترمنځ د ټېپ بال کرکټ سیالۍ پیل شوې.
د یادو سیالیو لومړۍ لوبه د متون فیضان او پیرانو زلمیو لوبډلو ترمنځ ترسره شوه. د لوبې پچه متون فیضان لوبډلې وګټله او لومړی یې د توپوهنې پرېکړه وکړه چې په ټاکلو شپږو اورونو کې یې د خپلو پنځو لوبغاړو په له لاسه ورکولو سره خپلې سیالې لوبډلې ته د ۹۷ منډو هدف وټاکه. پیرانو زلمیو لوبډلې د هدف په تعقیب کې د خپلو شپږو لوبغاړو په له لاسه ورکولو سره ۷۲ منډې وکړې او لوبه یې د ۲۴ منډو په توپیر وبایلله.
دا سیالۍ د قومونو د یووالي په موخه پیل شوي دي، چې یوه نیمه میاشت به دوام وکړي.
