بلخ کې د ۲۰ ورزشکارانو ترمنځ د کونګفو ټاکنیزې سیالۍ ترسره شوې
د بلخ ولایت د بدني روزنې او ورزش ریاست اړوند د کونګفو ملي فدراسیون د استازولۍ له لوري په یاد ولایت کې د ۲۰ ورزشکارانو ترمنځ د نویو ځوانانو، ځوانانو او د لویو ورزشکارانو په عمري کټګوریو کې د کونګفو ټاکنیزې سیالۍ ترسره شوې، چې یوه ورځ یې دوام وکړ.
د دغو سیالیو په پایله کې لسو تنو ورزشکارانو خپلو سیالانو ته په ماتې ورکولو سره بریاوې خپلې کړې او د بلخ ولایت د کونګفو منتخبې لوبډلې ته وټاکل شول.
د یادو سیالیو موخه د بلخ ولایت منتخبې لوبډلې ته د غوره لوبغاړو موندل و.
د سیالیو په پای کې د ورزش مسوولینو له لوري غوره ورزشکارانو ته چمتو شوې ډالۍ ورکړل شوې.
