غور؛ تیوره ولسوالۍ کې د ۴۰ ورزشکارانو ترمنځ د سیمه ییزې غېږنیونې سیالۍ ترسره شوې
د غور ولایت د بدني روزنې او ورزش امریت اړوند د پهلوانۍ ملي فدراسیون د استازولۍ له لوري د یاد ولایت د تیوره ولسوالۍ په یخن راه لېسې تمریناتې لوبغالي کې د ۴۰ ورزشکارانو ترمنځ د سیمه ییزې غېږنیونې سیالۍ ترسره شوې، چې دوې ورځې یې دوام وکړ.
د دغو سیالیو په پایله کې معروف، عبدالحق، فرید احمد، ملا عبدالقادر او جمعه ګل په بېلا بېلو وزنونو کې خپلو سیالانو ته په ماتې ورکولو سره لومړي مقامونه ترلاسه کړل او اتلولي یې خپله کړه.
د یادو سیالیو موخه د ځوانانو ترمنځ سیمه ییزو او دودیزو لوبو ته وده ورکول و.
د سیالیو په پای کې غوره ورزشکارانو ته چمتو شوې ډالۍ ورکړل شوې.
