لغمان؛ مرکز مهترلام ښار کې د ۳۸ لوبډلو ترمنځ د ټېپ بال کرېکټ سیالۍ پیل شوې
د لغمان ولایت د بدني روزنې او ورزش آمریت اړوند د ټېپ بال کرېکټ فدراسیون د استاولي له لوري د یاد ولایت مرکز مهترلام ښار په سلطان غازي بابا ښارګوټي کې د ۳۸ لوبډلو ترمنځ د ټېپ بال کرېکټ سیالۍ پیل شوېږ
د یادو سیالیو لومړۍ لوبه د علي خېل کلب او وثیق الله کلب لوبډلو ترمنځ ترسره شوه. د لوبې پچه علي خېل کلب لوبډلې وګټه او په ټاکلو لسو اورونو کې یې خپلې سیالې لوبډلې ته د ۱۰۵ منډو هدف وټاکه. وثیق الله کلب لوبډلې د هدف په تعقیب کې ۸۴ منډې وکړې او لوبه یې د ۲۰ منډو په توپیر وبایلله.
دا سیالۍ د ځوانانو د ذهني آرامتیا او سالمې تفرېح په موخه پیل شوي دي، چې ۲۹ ورځې به دوام وکړي.
