ننګرهار؛ مرکز جلال آباد ښار کې د ۴۰ لوبډلو ترمنځ د والیبال سیالۍ پیل شوې
د ننګرهار ولایت د بدني روزنې او ورزش ریاست اړوند د والیبال فدراسیون د استازولي له لوري د یاد ولایت مرکز جلال آباد ښار سراج العمارت بڼ کې د ۴۰ لوبډلو ترمنځ د والیبال سیالۍ پیل شوې.
په دغو سیالیو کې د ننګرهار، لغمان، کنړ، کابل، کاپیسا، لوګر او میدان وردګو ولایتونو لوبډلو ګډون کړی دی، چې لومړۍ لوبه یې د ننګرهار ځوانانو او غوچکو لوبډلو ترمنځ ترسره شوه او په پایله کې یې ننګرهار ځوانانو لوبډلې د ۲ پر صفر میدانونو په توپیر خپلې سیالې لوبډلې ته ماتې ورکړه او د سیالیو لومړۍ لوبه یې وګټله.
دا سیالۍ د ځوانانو لپاره د سالمې تفرېح د برابرولو په موخه پیل شوې، چې لس ورځې به دوام وکړي.
