خوست کې د ۴۵ لوبډلو ترمنځ د ټېپ بال کرېکټ سیالۍ د نسیم منګل لوبډلې په اتلولي پای ته ورسېدې
د خوست ولایت د بدني روزنې او ورزش آمریت اړوند د ټېپ بال کرېکټ فدراسیون د استازولي له لوري د یاد ولایت مرکز اړوند ورغه کلي کې د ۴۵ لوبډلو ترمنځ د ټېپ بال کرېکټ سیالۍ د نسیم منګل لوبډلې په اتلولي پای ته ورسېدې.
د یادو سیالیو پایلوبه د نسیم منګل او رحمن حبشخېل لوبډلو ترمنځ ترسره شوه. نسیم منګل لوبډلې د لوبې پچه وګټله او په ټاکلو اتو اورونو کې یې د خپل یو لوبغاړي په له لاسه ورکولو سره خپلې سیالې لوبدلې ته د ۱۵۹ منډو هدف وټاکه. رحمن حبشخېل لوبډلې د هدف په تعقیب کې د خپلو پنځو لوبغاړو په له لاسه ورکولو سره ۸۹ منډې وکړې او لوبه یې د ۶۹ منډو په توپیر وبایلله.
دغه سیالۍ د ځوانانو لپاره د سالمې تفرېح برابرولو په موخه ترسره شوې، چې یوه نیمه میاشت یې دوام وکړ او په پای کې اتلې لوبډلې او غوره لوبغاړو ته کپ، مډالونه او نورې چمتو شوې ډالۍ ورکړل شوې.
