ننګرهار کې د شپږو ولایتونو ترمنځ د فوټبال سیالۍ پیل شوې

د ننګرهار ولایت د بدني روزنې او ورزش ریاست اړوند د فوټبال فدراسیون د استازولي له لوري د ياد ولايت مرکز جلال آباد ښار کې د شپږو ولایتونو ترمنځ د فوټبال سیالۍ پیل شوې.

په دغو سیالیو کې د ننګرهار، لغمان، نورستان، کابل، پکتیا او میدان وردګ ولایتونو لوبډلو ګډون کړی دی چې لومړۍ لوبه یې د ننګرهار او نورستان ولایتونو ترمنځ د باران له امله مساوي پای ته ورسېده.

د یادو سیالیو د پیل په مراسمو کې د بدني روزنې او ورزش فني او مسلکي مرستیال حافظ احمد جان ځدراڼ، د ننګرهار ولایت د بدني روزنې او ورزش رئیس عبدالسلام وزیروال، یو شمېر دولتي چارواکو او د ورزش ګڼو مینوالو ګډون کړی و.

ټاکل شوې چې دغه سيالۍ به لس ورځې دوام وکړي او په پای کې به اتله لوبډله د افغانستان اتلانو غوره لیګ دولس غوره لوبډلو ته لار ومومي.