کندز؛ ګلتیپې ولسوالۍ کې د ۲۰ لوبډلو ترمنځ د فوټبال سیالۍ پای ته ورسېدې
د کندز ولایت د بدني روزنې او ورزش ریاست اړوند د فوټبال فدراسیون د استازولي له لوري د یاد ولایت په ګلتیپې ولسوالۍ کې د ۲۰ لوبډلو ترمنځ د فوټبال سیالۍ د ګلتیپې شاهین لوبډلې په اتلولي پای ته ورسېدې.
په دغو سیالیو کې د ګلتیپې، قلعه ذال او چهار درې ولسوالیو څخه ۲۰ لوبډلو ګډن کړی و، چې پایلوبه یې د ګلتیپې شاهین او عسقلان اتفاق لوبډلو ترمنځ ترسره شوه، چې په پایله کې یې ګلتیپې شاهین لوبډلې د یو پر صفر ګول په توپیر خپلې سیالې لوبډلې ته ماتې ورکړه او اتلولي یې په خپل نوم کړه.
یادې سیالۍ له نشه يي توکو څخه د ځوانانو د لېرې والي په موخه ترسره شوې، چې یوه میاشت یې دوام وکړ او په پای کې اتلې لوبډلې ته یو سېټ ورزشي جامې، کپ، توپ او غوره لوبغاړي ته مډال ورکړل شو.
