کندز؛ امام صاحب ولسوالۍ کې د ۶۰ ورزش کارانو ترمنځ د K1 کېک بوکسېنګ سیالۍ ترسره شوې
د کندز ولایت د بدني روزنې او ورزش ریاست اړوند د سوک وهنې فدراسیون د استازولي له لوري د یاد ولایت په امام صاحب ولسوالۍ کې د ۶۰ ورزش کارانو ترمنځ د ترمنځ د K1 کېک بوکسېنګ سیالۍ ترسره شوې.
دغه سیالۍ د نویو ځوانانو، ځوانانو او مشرانو ورزشکارانو په عمري کټګوریو او بېلا بېلو وزني کټګوریو کې ترسره شوې، چې ۳۰ ورزش کارانو خپلو سیالانو ته په ماتې ورکولو سره بریاوې خپلې کړې.
یادې سیالۍ ورزش ته د ځوانانو د هڅونې په موخه ترسره شوې، چې یوه ورځ یې دوام وکړ او په پای کې غوره ورزش کارانو ته مډالونه او ستاینلیکونه ورکړل شول.
