ننګرهار کې د ۴۰۰ ورزشکارانو ترمنځ د پهلواني سیالۍ پای ته ورسېدې
د ننګرهار ولایت د بدني روزنې او ورزش ریاست اړوند د پهلواني فدراسیون د استازولي له لوري د ياد ولايت مرکز جلال آباد ښار کې د ٤٠٠ ورزشکارانو ترمنځ د پهلوانۍ دوستانه سیالۍ پای ته ورسېدې.
په دغو سیالیو کې د مرکز او ولسواليو له ٤٠ کلبونو څخه ورزشکارانو ګډون کړی و، چې په پايله کې یې ٢٠٠ ورزشکارانو بریاوې خپلې کړې.
يادې سیالۍ د ورزشکارانو ترمنځ د یووالي په موخه پیل شوې وې، چې درې ورځې یې دوام وکړ او په پای کې ګټونکو لوبغاړو ته مډالونه او ستاینلیکونه ورکړل شول.
