هلمند؛ مرکز لښکرګاه کې د ۸ الف لوبډلو ترمنځ د فوټبال لیګ سیالۍ پیل شوې
د هلمند ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د ياد ولايت مرکز لښکرګاه په مرکزي فوټبال لوبغالي کې د ۸ الف لوبډلو ترمنځ د ۲۰۲۴ کال فوټبال لیګ سیالۍ پیل شوې.
د یادو سیالیو لومړۍ لوبه کې د نوي عمري لوبډلې خپلې سیالې پیروزي لوبډلې ته د ۲ پر ۱ ګولونو په توپير ماتې ورکړه او لومړۍ بريا يې خپله کړه.
د يادو سياليو موخه د هلمند ولايت په کچه غوره ليګ سياليو ته د غوره لوبډلې ټاکل دي، چې يوه نيمه مياشت به دوام وکړي.
