بامیان؛ د یکاولنګ ولسوالۍ ورزشکارانو ترمنځ د رسۍ کشولو او ځغاستې سیالۍ ترسره شوې
د بامیانو ولایت د بدني روزنې او ورزش امریت او ښاروالۍ امریت له لوري د یاد ولایت په یکاولنګ ولسوالۍ کې د رسۍ کشولو ۱۲ لوبډلو او د ځغاستې ۵۰ ورزشکارانو ترمنځ سیالۍ ترسره شوې.
د رسۍ کشولو سیالیو په پایله کې د کربلایي لوبډلې لومړی او د امنیه قومندانۍ لوبډلې دویم مقام ترلاسه کړ.
د ځغاستې په برخه کې د ۵۰ ورزشکارانو له ډلې سکندر لومړی او توفیق دویم مقام ترلاسه کړ.
د یادو سیالیو موخه د بامیانو ولایت په والسوالیو او کلیو کې سیمه ییزو او دودیزو لوبو ته وده ورکول و، چې یو ورځ یې دوام وکړ.
