کاپيسا کې د ۳۰ ورزشکارانو ترمنځ د کيوکيشن کراټې ټاکنيزې سيالۍ ترسره شوې
د کاپیسا ولایت د بدني روزنې او ورزش آمريت اړوند د کراټې فدراسيون د استازولۍ له لوري د بېلابېلو سيمو څخه د ۳۰ ورزشکارانو ترمنځ د کيوکيشن کراټې ټاکنيزې سيالۍ ترسره شوې.
دغه سيالۍ، چې يوه ورځ دوام وکړ، په پايله کې لسو تنو ورزشکارانو د کاپیسا منتخبې لوبډلې ته غوره شول او په پای کې د ياد ولايت د ورزش امريت له لوري غوره ورزشکارانو ته مډالونه او ستاينليکونه ورکړل شول.
