کابل کې د ۱۳۰ ورزشکارانو ترمنځ د جوجیتسو ټاکنیزې سیالۍ پیل شوې
د المپیک، بدني روزنې او ورزش عمومي ریاست اړوند د جوجیتسو ملي فدراسیون له لوري د یاد ریاست په ۵۰۰ کسیز جمنازیوم کې د کابل د ۱۶ کلبونو د ۱۳۰ ورزشکارانو ترمنځ د جوجیتسو ټاکنیزې سیالۍ ترسره شوې.
دغو سیالیو ته د المپیک، بدني روزنې او ورزش عمومي ریاست ورزشي مشاور قاري حیات الله رحماني، جوجیتسو ملي فدراسیون رهبري پلاوي، ورزشکارانو او زیات شمېر مینوالو راغلي وو.
دغه سیالۍ د نویو ځوانانو، ځوانانو او لویو ورزشکارانو په عمري کټګوریو کې او د ۵۵ کیلو ګرام څخه تر ۸۵ کیلو ګرام وزني کټګوریو کې ترسره شوې.
د یادو سیالیو موخه د کابل جوجیتسو منتخبې لوبډلې ته د ۳۰ غوره ورزشکارانو ټاکل دي، چې درې ورځې به دوام وکړي.
