غزني؛ جاغوري ولسوالۍ کې د اتو لوبډلو ترمنځ د والیبال سیالۍ پای ته ورسېدې
د غزني ولایت د بدني روزنې او ورزش امریت اړوند د والیبال ملي فدراسیون د استازولۍ له لوري د یاد ولایت په جاغوري ولسوالۍ کې د اتو لوبډلو ترمنځ د والیبال سیالۍ د نهاد مسیر افتاب لوبډلې په اتلولۍ پای ته ورسېدې.
د دغو سیالیو په پایلوبه کې نهاد مسیر افتاب لوبډلې خپلې سیالې عقاب بابه لوبډلې ته د ۳ / ۱ میدانونو پر توپير ماتې ورکړه او اتلولي یې خپله کړه.
د یادو سیالیو موخه د والیبال ورزش سره د لوبغاړو بلدتیا وه، چې دوې ورځې یې دوام وکړ.
د سیالیو په پای د غزني ولایت ورزشي امریت له لوري غوره لوبډلې ته د اتلولۍ جام او غوره لوبغاړو ته ډول ـ ډول ورزشي ډالۍ ورکړل شوې.
