پروان؛ جبل السراج ولسوالۍ کې د شپږو لوبډلو ترمنځ د فوټسال سیالۍ پای ته ورسېدې
د پروان ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د یاد ولایت په جبل السراج ولسوالۍ کې د شپږو لوبډلو ترمنځ د افغانستان ا.ا د بیا واکمنېدو په ویاړ د فوټسال سیالۍ د شاهین لوبډلې په اتلولۍ پای ته ورسېدې.
دغو سیالیو، چې دوې ورځې یې دوام وکړ، په پایله کې د شاهین لوبډلې خپلې سیالې جبل السراج اتحاد لوبډلې ته د ۸ پر ۴ ګولونو پر توپیر ماتې ورکړه او اتلولي يې خپله کړه.
د یادو سیالیو موخه د افغانستان ا.ا د بیا واکمنېدو درېیمې کلېزې د نماځلو په ویاړ ترسره شوې.
د سیالیو په پای کې لومړي او دویم مقام ګټونکو لوبډلو ته کپ، مډالونه او ډالۍ ورکړل شوې.
