پکتيکا؛ په مرکز ښرنه کې د اوو لوبډلو ترمنځ د نيزه وهنې سيالۍ ترسره شوې
د پکتيکا ولايت د بدني روزنې او ورزش امريت اړوند د نيزه وهنې فدراسيون د استازولۍ له لوري د ياد ولايت په مرکز ښرنه کې د اوو لوبډلو ترمنځ د خپلواکۍ د ۱۰۵ کليزې په مناسبت د نيزه وهنې سيالۍ ترسره شوې.
دغه سیالۍ، چې يوه ورځ يې دوام وکړ، په پايله کې کټواز لوبډلې د ۴۶ امتيازونو په ترلاسه کولو لومړی، مرکزي لوبډلې د ۴۴ امتيازونو په ترلاسه کولو دويم او يوسف خېلو لوبډلې د ۳۶ امتيازونو په ترلاسه کولو سره بيا درېيم مقام ترلاسه کړ.
