غزني؛ مالستان ولسوالۍ کې د ۱۶ لوبډلو ترمينځ د فوټسال سيالۍ پای ته ورسېدې
د غزني ولايت د بدني روزنې او سپورټ امريت اړوند د فوټبال ملي فدراسیون د استازولۍ له لوري د ياد ولایت د مالستان ولسوالۍ په مرادينه ابدانه ورزشي لوبغالي کې د ۱۶ لوبډلو ترمينځ د فوټسال سيالۍ د اتحاد لوبډلې په اتلولۍ پای ته ورسېدې.
د دغو سياليو په پايلوبه کې د اتحاد لوبډلې خپلې سیالې سوکه سيتي لوبډلې ته د ۸/۴ ګولونو په توپير ماتې ورکړه او اتلولي يې خپله کړه.
د يادو سياليو موخه د لوبغاړو ترمينځ يووالی رامنځته کول و، چې يوه مياشت يې دوام وکړ.
د سياليو په پای کې د غزني ولايت ورزشي آمريت له لوري غوره لوبډلې ته د اتلولۍ جام او غوره لوبغاړو ته کپ، مډالونه او ستاينليکونه ورکړل شوه
