کونړ؛ په ناړۍ ولسوالۍ کې د ۱۵ لوبډلو ترمنځ د ټېپ بال کرکټ سيالۍ پای ته ورسېدې
د کونړ ولایت د بدني روزنې او ورزش آمریت په همکارۍ د ناړۍ ولسوالۍ په بریکوټ ورزشي لوبغالي کې د "۱۵" لوبډلو ترمنځ د ټېپ بال کرکټ سيالۍ پای ته ورسیدې.
د دغو سياليو پایلوبې ته د بریکوټ ایلون او دوکلام افغان لوبډلې لار موندلې وه، لومړی توپوهنه دوکلام افغان لوبډلې وکړه او په ټاکلو لسو اورونو کې يې سيالې لوبډلې ته د شپږو لوبغاړو په زیان سره ۱۱۶ منډې هدف کېښود. بل لوري ته د بریکوټ ایلون لوبډلې د اتو لوبغاړو په زیان یوازې ۹۶ منډې جوړې کړې او په ۲۰ منډو يې ماتې وخوړه.
هېره دې نه وي چې د سیاليو او پایلوبې غوره لوبغاړو ته ستاینلیکونو او ورزشي ډالۍ ورکړل شوې.
