په پکتيا کې د ۵۰ لوبډلو ترمنځ د واليبال سيالۍ پای ته ورسېدې
د پکتيا ولايت د بدني روزنې او ورزش رياست په لارښوونه د نيازيو ځوانانو له لوري د ياد ولايت د مرکز پکتیا په نيازيو سيمه کې د دې ولايت په کوربتوب د شپږو ولايتونو د ۵۰ لوبډلو ترمنځ د واليبال سيالۍ پای ته ورسېدې.
دغه سيالۍ چې يوه مياشت يې دوام وکړ د پکتيا، پکتيکا، خوست، ميدان وردګ، غزني، کابل او لوګر ولايتونو لوبډلو پکې ګډون کړی و او موخه يې د ځوانانو ترمنځ يووالی ياد شوی دی.
د دغو سياليو پايلوبې ته لوګر اتلانو او خوست لوبډلو لار موندلې وه، چې په پايله کې لوکر اتلانو لوبډلې خپلې سيالې لوبډلې ته د ۳/۰ ميدانونو پهتوپير ماتې ورکړه او اتلولي يې خپله کړه.
په پای کې لومړي مقام کټونکې لوبډلې ته د معنوي ډاليو ترڅنګ 30000 دېرش زره افغانۍ او دويم مقام لوبډلې ته د 10000 لس زره افغانيو نغدي ډالۍ ورکړل شوه.
