هلمند کې د ٣٠ ورزش کارانو ترمنځ د ډبرې غورځولو سیالۍ ترسره شوې
د هلمند ولایت د بدني روزنې او ورزش آمریت له لوري د هلمند پوهنتون په ورزشي کلپ کې د مشرانو د کټګوري ٣٠ تنو ورزش کارانو ترمنځ د ډبرې غورځولو سیالۍ ترسره شوې.
د یادو سیالیو په پایله کې حاجي سردار محمد عليزي لومړی، ډاکټر ميرحمزه دویم او حاجي عبدالغفور او سید رحمت درېیم مقامونه ترلاسه کړل.
په پای کې د هلمند پوهنتون د ورزشي کلپ د مسؤول له لوري ګټونکو لوبغاړو ته چمتو شوې ډالۍ ورکړل شوې.
