د افغانستان له ٢٠ کلنو کم عمره لوبډله په کافا سياليو کې د ګډون په موخه قرغیستان هېواد ته لاړه
د افغانستان د فوټبال له ٢٠ کلنو کم عمره ملي لوبډله د مرکزي آسیا اتلولي (کافا) سياليو کې د ګډون په موخه قرغیزستان هېواد ته روانه شوه.
د مرکزي آسیا د فوټبال (کافا) سیالۍ چې ټاکل شوې د روانې چنګاښ میاشتې په ١٥مه نېټه پیل شي، افغانستان په الف ګروپ کې له قرغیزستان او تاجیکستان هېوادونو سره لوبې ترسره کوي.
د یادونې وړ ده چې له دغې لوبډلې سره یو تن لوبڅار سید ننګیالی سادات هم مل دی، چې هلته به د مرستیال لوبڅار په توګه دنده ترسره کوي.
د افغانستان د فوټبال فدراسیون رهبري پلاوي له لوبډلې سره د مخه ښې په مراسمو کې دوی ته اړوندې سپارښتنې وکړې او هیله یې څرګنده کړه، چې له خپلو سیالانو سره ښې لوبې ترسره کړي او ډک لاسونه بېرته هېواد ته را ستانه شي.
