پکتیا؛ څمکنيو ولسوالۍ کې د ٣٢ لوبډلو ترمنځ د والیبال سیالۍ پیل شوې
د پکتيا ولايت د بدني روزنې او ورزش ریاست اړوند د والیبال فدراسیون د استازولي له لوري د ياد ولايت په څمکنیو ولسوالۍ کې د ٣٢ لوبډلو ترمنځ د والیبال اختریزې سیالۍ پیل شوې.
د یادو سیالیو لومړۍ لوبه د لجه منګل او مټورخ لوبډلو ترمنځ ترسره شوه، چې په پایله کې یې مټورخ لوبډلې د ٢ پر صفر میدانونو په توپیر خپلې سیالې لوبډلې ته ماتې ورکړه او لومړۍ بریا یې په خپل نوم کړه.
يادې سیالۍ د پکتيا ولايت په ولسواليو کې د ورزش د ودې په موخه پیل شوې دي چې ١٥ ورځې به دوام وکړي.
