میدان وردګ ؛ سیدآباد ولسوالۍ کې د ٥٠ لوبډلو ترمنځ د والیبال سیالۍ پای ته ورسېدې
د میدان وردګو ولایت د بدني روزنې او ورزش آمریت له لوري د ياد ولايت د سید آباد ولسوالۍ د شیخ آباد چمن کې د ٥٠ لوبډلو ترمنځ د والیبال اختریزې سیالۍ د شه.ید غلام نجیب لوبډلې په اتلولي پای ته ورسېدې.
د یادو سیالیو پایلوبه د شه.ید غلام نجیب او سید آباد قومانداني لوبډلو ترمنځ ترسره شوه، چې په پایله کې یې د شه.ید غلام نجیب لوبډلې د ٢ پر صفر میدانونو په توپیر خپلې سیالې لوبډلې ته ماتې ورکړه او اتلولي یې په خپل نوم کړه.
يادې سیالۍ د لوی اختر د لمانځلو په موخه ترسره شوې او په پای کې اتلې لوبډلې ته د کپونو او ستاینلیکونو ترڅنګ ٣٠ زره افغانۍ او دویم مقام ګټونکې لوبډلې ته لس زره افغانۍ د ډالۍ په توګه ورکړل شوې.
