دایکندي؛ کجران ولسوالۍ کې د شپږو لوبډلو ترمنځ د رسۍ کشولو سیالۍ ترسره شوې
د دایکندي ولایت د بدني روزنې او ورزش امریت اړوند د ملي او دودیزو لوبو مدیریت له لوري د یاد ولایت په کجران ولسوالۍ کې د شپږو لوبډلو ترمنځ د رسۍ کشولو سیالۍ ترسره شوې.
د دغو سیالیو په پایلوبه کې د نارینه مرکزي لېسې لوبډلې خپلې سیالې زراعت لېسې لوبډلې ته د ۳/۲ امتیازونو په توپير ماتې ورکړه او اتلولي یې خپله کړه.
د یادو سیالیو موخه د دودیزو لوبو دودول او د نېکمرغه لوی اختر نمانځل و.
د سیالیو په پای کې د دایکندي ولایت ورزشي امریت له لوري غوره لوبډلې او غوره لوبغاړو ته ډول ډول ډالۍ ورکړل شوې.
