ننگرهار؛ په چپرهار ولسوالۍ کې د ۱۲ لوبډلو ترمنځ د لوی اختر په مناسبت د واليبال سيالۍ پيل شوې
د ننگرهار ولايت د بدني روزنې او سپورټ رياست له لوري د ياد ولايت په چپرهار ولسوالۍ کې د ۱۲ لوبډلو ترمنځ د لوی اختر په مناسبت د واليبال سيالۍ د فقيرزي لوبډلې په بريا پيل شوې.
د يادو سياليو په لومړۍ لوبه کې فقيرزي لوبډلې سيالې شعيب لوبډلې ته د ۰/۲ ميدانونو په توپير ماتې ورکړه او بريا يې خپله کړه.
د يادونې وړ ده، چې دغه سيالۍ پنځه ورځې دوام وکړي.
