غزني؛ ګيلان ولسوالۍ کې د ١٦ لوبډلو ترمنځ د واليبال اختريز جام سيالۍ پيل شوې
د غزني ولايت د ګيلان ولسوالۍ له بېلا بېلو کليو د ١٦ لوبډلو ترمنځ د يادې ولسوالۍ په حسن ورزشي لوبغالي کې د واليبال اختريز جام سيالۍ د ظفرمندي کاري لوبډلې په بريا پيل شوې.
دغه سيالۍ، چې يوه اوونۍ به دوام وکړي په لومړۍ لوبه کې د ظفرمندي کاري لوبډلې خپلې سيالې حسن لوبډلې ته د ٣/١ ميدانونو په توپير ماتې ورکړه او بريا يې خپله کړه.
د يادو سياليو موخه ورزش ته د لوبغاړو هڅوول او د لوى اختر نمانځل دي.
