غزني؛ جاغوري ولسوالۍ کې د فوټسال جشنواره يي سياليۍ د تمقول ميهن لوبډلې په اتلولۍ پاى ته ورسېدې
د غزني ولايت د جاغوري ولسوالۍ په غجور بازار کې د ٢٠ لوبډلو ترمنځ د فوټسال جشنواره یي سیالۍ ، چې لس ورځې وړاندې پيل شوې وې د تمقول ميهن لوبډلې په اتلولۍ پاى ته ورسېدې.
د دغو سياليو په پايلوبه کې د تمقول ميهن لوبډلې خپلې سيالې داود اتحاد لوبډلې ته د ٥/٢ ګولونو په توپير ماتې ورکړه او اتلولي يې خپله کړه.
د سياليو په پاى کې غوره لوبډلې ته کپ، مډالونه، ستاينليکونه، اتلولۍ حکمونه او نغدي ډالۍ ورکړل شوې.
