ميدان وردگ؛ په سيدآباد ولسوالۍ کې د ۷۰ لوبډلو ترمنځ د ټېپ بال کرکټ سيالۍ پيل شوې
د ميدان وردگ ولايت د بدني روزنې او سپورټ امريت له لوري د ياد ولايت په سيدآباد ولسوالۍ کې د ۷۰ لوبډلو ترمنځ د ځوانانو يووالي په موخه د ټېپ بال کرکټ سيالۍ د خواجه بازانو لوبډلې په بريا پيل شوې.
د يادو سياليو لومړۍ لوبه د خواجه بازانو او عبدالمحی الدين لوبډلو ترمنځ ترسره شوه، عبدالمحی الدين لوبډلې د لوبې پچې په گټلو سره په ټاکلو اتو اورونو کې سيالې لوبډلې ته د ۱۰۴ منډو هدف کېښود، خواجه بازانو لوبډلې ياد هدف په اووم اور کې ترلاسه کړ او د اوو ويکټو په توپير يې بريا خپله کړه.
د يادونې وړ ده، چې دغه سيالۍ به اته ورځې دوام وکړي.
