ننګرهار؛ روداتو ولسوالۍ کې د ۱۲ ورزش کارانو ترمنځ د رسۍ کش کولو سیالۍ ترسره شوې
د ننګرهار ولایت د بدني روزنې او ورزش ریاست اړوند د ملي او دودیزو لوبو د مدیریت له لوري د یاد ولایت په روداتو ولسوالۍ استاد میرویس پاچا ورزشي کلپ کې د ۱۲ تنو ورزش کارانو ترمنځ د رسۍ کش کولو سیالۍ ترسره شوې.
یادې سیالۍ د افغان زلمیانو او افغان اتلانو لوبډلو ترمنځ ترسره شوې، چې اتلولي یې د افغان اتلانو لوبډلې خپله کړه.
دغه سیالۍ د ملي او دودیزو لوبو د ودې په موخه ترسره شوې او په پای کې ننګرهار ولایت د ورزشي ریاست له لوري غوره ورزش کارانو ته ستاینلیکونه ورکړل شول.
