کابل کې د مرکزي زون ۱۲ لوبډلو ترمنځ د خوسي ټاکنیزې سیالۍ ترسره شوې
د بدني روزنې او ورزش لوی ریاست اړوند د کبډي او خوسي فدراسیون او موبي ګروپ په مرسته او د ویکتور انرژۍ په مالي ملاتړ د مرکزي زون لپاره د غوره لوبغاړو موندنې په موخه د خوسي ټاکنیزې سیالۍ ترسره شوې.
دغو سیالیو کې ۶۰ ورزشکارانو په ۱۲ لوبډلو کې ګډون کړی وو، چې په لومړي قدم کې ۱۲ ورزشکاران بیا ۷ ورزشکاران د کابل مرکزي زون لپاره غوره شول.
دغه سیالۍ په نورو زونونو کې هم ترسره کېږي او د روان کال په وږي میاشت کې به د زونونو لوبډلو ترمنځ دویم پړاو لیګ ترسره شي.
