زابل؛ مرکز قلات ښار کې د ۵۰ پهلوانانو ترمنځ سیمه ییزې غېږنیونې سیالۍ ترسره شوې
د زابل ولایت د بدني روزنې او ورزش امریت له لوري د یاد ولایت مرکز قلات ښار د ملا اورنګ په کلي کې د ۵۰ پهلوانانو ترمنځ د غېږنیونې سیالۍ د قلات ښار غېږ نیوونکو په اتلولۍ پای ته ورسېدې.
دغو سیالیو چې یو ورځ یې دوام وکړ د شنکۍ ولسوالۍ او قلات ښار د ۵۰ غېږنیوونکو ترمنځ ترسره شوې.
د یادو سیالیو موخه ملي او دودیزو لوبو ته وده ورکول او د ځوانانو ته یوه سالمه تفریح برابرول و.
د سیالیو په پای کې غوره ورزشکارانو ته ستاینلیکونه او ورزشي سامان ورکړل شو.
