بامیان؛ یکاولنګ نمبر یک ولسوالۍ کې د ۲۰ چاپندازانو ترمنځ د وزلوبې سیالۍ ترسره شوې
د بامیانو ولایت د بدني روزنې او ورزش امریت اړوند د وزلوبې فدراسیون د استازولۍ له لوري او د علي زي توریستي سیاحتي شرکت په مالي ملاتړ د یاد ولایت په یکاولنګ نمبر یک ولسوالۍ کې د ۲۰ چاپندازانو ترمنځ د وزلویې سیالۍ ترسره شوې.
دغو سیالیو کې د اتلانو لوبډلې خپلې سیالې اتحاد لوبډلې ته د ۸/۶ امتیازونو په توپير ماتې ورکړه او اتلولي یې خپله کړه.
د یادو سیالیو موخه ورزش ته د ملي سازمانونو پام راړول و.
د سیالیو په پای کې د بامیانو ولایت ورزشي امریت له لوري غوره ورزشکاران ته چمتو شوې ډالۍ ورکړل شوې.
