جوزجان؛ خواجه دوکوه ولسوالۍ کې د دوو لوبډلو ترمنځ د رسۍ کشولو سیالۍ ترسره شوې
د جوزجان ولایت د بدني روزنې او ورزش امریت اړوند د سیمه ییزو او دودیزو لوبو مدیریت له لوري په خواجه دوکوه ولسوالۍ کې د دوو لوبډلو ترمنځ د رسۍ کشولو سیالۍ ترسره شوې.
دغو سیالیو چې یوه ورځ یې دوام کړه په پایله کې جوانان متحد لوبډلې د ۲/۱ امتیازونو په توپير سیالې لوبډلې ته ماتې ورکړه او اتلولي یې خپله کړه.
د یادو سیالیو موخه سیمه ییزو او دودیزو لوبو ته وده ورکول او ورزشکارانو ترمنځ یووالی رامنځته کول و.
