پکتيکا؛ سپين غر زلميانو لوبډلې د اتحاد جام په نوم د ټېپ بال کرکټ سياليو اتلولي وگټله
د پکتيکا ولايت د بدني روزنې او ورزش امريت په همغږۍ د ياد ولايت په مرکز ښرنې ښار دايمني خېلو سيمه کې د اوو لوبډلو ترمنځ د اتحاد جام په نوم د ټېپ بال کرکټ سيالۍ د سپين غر زلميانو لوبډلې په اتلولۍ پای ته ورسېدې.
د يادو سياليو پايلوبه د سپين غر زلميانو او شمشاد بازانو لوبډلو ترمنځ ترسره شوه، سپين غر زلميانو لوبډلې د لوبې پچې په گټلو سره په ټاکلو ۱۲ اورونو کې سيالې لوبډلې ته د ۱۶۱ منډو هدف کېښود، شمشاد بازانو لوبډلې ياد هدف ترلاسه نه کړ او د ۷۶ منډو په توپير يې ماته ومنله.
د دغه سيالۍ چې د پکتيکا پوهنتون د محصلانو ترمنځ د همغږۍ رامنځته کولو په موخه ترسره شوې، په پای کې اتلې لوبډلې ته د اتلولۍ جام او غوره لوبغاړو ته چمتو شوې ډالۍ ورکړل شوې.
