بغلان؛ جلکه ولسوالۍ کې د اته لوبډلو ترمنځ د واليبال سيالۍ د کدري ټيم په اتلولي پای ته ورسېدې
د بغلان ولایت د بدني روزنې او ورزش آمريت اړوند د واليبال فدراسيون د استازولي له لوري د یاد ولایت د جلګې ولسوالۍ په کدري سيمه کې د ۸ لوبډلو ترمنځ د واليبال سيالۍ د کدري لوبډلې په اتلولي پای ته ورسيدې.
د يادو سياليو په پایلوبه کې کدري لوبډلې، جلګې مرکزي لوبډلې ته د ۲/۳ ميدانونو په توپير ماتې ورکړه او اتلولي يې په خپل نوم کړه.
دغه سيالۍ، چې يوه ورځ ېې دوام وکړ، ورزشکارانو ته د سالمې تفريح او د نشه يي توکو پر وړاندې د مبارزې په موخه ترسره شوې.
