کابل؛ د فوټسال ملي لوبډلې د بریا په ویاړ د ۲۶ ورزش کارانو ترمنځ د سوک وهنې سیالۍ ترسره شوې
د بدني روزنې او ورزش لوی ریاست اړوند د سوک وهنې ملي فدراسیون له لوري د یاد فدراسیون په ورزشي تالار کې د لویانو په کټګوري کې د ۱۳ جوړو ورزش کارانو ترمنځ د عزیزالله عزیزي جام په نوم د سوک وهنې سیالۍ ترسره شوې.
په یادو سیالیو کې د کابل د سوک وهنې ټاکنیزې لوبډلې او ملي لوبډلې لوبغاړو شتون درلوده او د مسؤولانو په خبره، له دغو سیالیو څخه به له هېواده بهر د سوک وهنې سیالیو لپاره غوره ورزش کاران ټاکل کېږي.
دغه سیالۍ د ۲۰۲۴ فوټسال نړۍوال جام ته د افغان فوټسال ملي لوبډلې د لار موندنې په ویاړ ترسره شوې چې په پای کې ګټونکو لوبغاړو ته مډالونه او د اتلولي حکمونه ورکړل شول.
