غزني؛ اندړو ولسوالۍ کې د والیبال سیالۍ د پکتیکا لوبډلې په اتلولۍ پای ته ورسېدې
د غزني ولایت د بدني روزنې او ورزش امریت اړوند د والیبال فدراسیون د استازولۍ له لوري د اندړو ولسوالۍ په میري بازار ورزشي لوبغالي کې د ۱۸ لوبډلو ترمنځ د والیبال سیالۍ د پکتیکا لوبډلې په اتلولۍ پای ته ورسېدې.
د دغو سیالیو پایلوبه کې د پکتیکا لوبډلې خپلې سیالې قلعه سردار لوبډلې ته د ۳/۱ میدانونو په توپیر ماتې ورکړه او اتلولي یې خپله کړه.
د یادو سیالیو موخه ورزش ته د ځوانانو هڅوول او د کوچني اختر نماځل و.
