هلمند؛ حېدر ځوانانو لوبډلې د يووالي په نوم د ټېب بال کرکټ سياليو اتلولي وگټله
د هلمند ولايت د بدني روزنې او ورزش امريت په همغږۍ د کجکي ولسوالۍ ديبابا ميدان کې د لسو لوبډلو ترمنځ د يووالي په نوم د ټېپ بال کرکټ گروپي سيالۍ د حېدر ځوانانو لوبډلې په اتلولۍ پای ته ورسېدې.
د يادو سياليو پايلوبه د حېدر ځوانانو او کجکي اتلانو لوبډلو ترمنځ ترسره شوه، حېدر ځوانانو لوبډلې د لوبې پچې په گټلو سره په ټاکلو ۱۲ اورونو کې د اتو لوبغاړو سوځېدو سره سیالې لوبډلې ته د ۱۳۷ منډو هدف کېښود، کجکي اتلانو لوبډلې ياد هدف ترلاسه نه کړ او د ۲۹ منډو په توپير يې ماته ومنله.
دغه سيالۍ، چې د ورزشکارانو د هڅولو په موخه ترسره شوې، شاوخوا ۱۵ ورځې يې دوام وکړ.
