هلمند: په ګرشک ولسوالۍ کې د پسرلي په نوم د ۲۰ لوبډلو ترمنځ د فوټسال سیالۍ پیل شوې
د هلمند ولایت ګرشک ولسوالۍ په ورزشي جمنازیوم کې د ۲۰ لوبډلو ترمنځ د پسرلي په نوم د فوټسال سیالۍ پیل شوې.
د دغو سیاليو د پیل لوبه د هاشمي او ارین اف سي لوبډلو ترمنځ ترسره شوه، چې په پایله کې هاشمي لوبډلې خپلې سیالې لوبډلې ته د ۶-۴ ګولونو په توپیر ماتې ورکړه او بریا یې خپله کړه.
هېره دې نه وي چې دغه سیالۍ د ځوانانو او ورزشکارانو د تشویق او پرمختګ په موخه پیل شوې دي.
