میدان وردګ؛ د المپیک ملي کمېټې او سپورټ عمومي رئیس د میدان وردګو ولایت له ورزشي آمریت څخه لیدنه وکړه
د افغانستان د المپیک ملې کمېټې او بدني روزنې او ورزش عمومي رئیس مولوي احمدالله وثیق میدان وردګو ولایت ته د سفر په ترڅ کې د یاد ولایت د ورزشي آمریت له ودانۍ، اداري کارکوونکو او نوي جوړ شوي باغ څخه لیدنه وکړه.
په دغې لیدنه کې د میدان وردګو ولایت ورزشي آمر ذبیح الله وهاج او د یادې ادارې نورو کارکوونکو د هېواد د ورزش ادارې عمومي رئیس مولوي احمدالله وثیق ته د ښه راغلاست ترڅنګ خوښي وښوده چې د ښاغلي وثیق صېب تر مشري لاندې له یادې ادارې سره کار کوي.
ښاغلي وثیق د دغه ولایت له ورزشي مسوؤلانو سره ژمنه وکړه چې په راوان کال کې به د دغه ولایت د ورزشي آمریت د ودانۍ د شاوخوا سیمو په رغولو او په نورو ورزشي برخو کې پوره همکاري وکړي.
