کندز؛ نظري لوبډلې د قلعه ذال ولسوالۍ د دويم پړاو واليبال سياليو اتلولي وگټله
د کندز ولايت د بدني روزنې او ورزش رياست اړوند د واليبال فدراسيون د استازولۍ له لوري په قلعه ذال ولسوالۍ کې د ۱۴ لوبډلو ترمنځ د واليبال دويم پړاو سيالۍ د نظري لوبډلې په اتلولۍ پای ته ورسېدې.
د يادو سياليو په پايلوبه کې نظري لوبډلې سيالې قاري مجيد لوبډلې ته ۰/۲ گولونو په توپير ماتې ورکړه او اتلولي يې په خپل نوم کړه.
دغه سيالۍ، چې درې ورځې يې دوام وکړ، په پای کې د ياد ولايت د ورزش رياست له لوري اتلې لوبډلې ته د اتلولۍ جام، توپ، جال او غوره لوبغاړو ته ستاينليکونه ورکړل شول.
