بلخ کې د ۱۶ لوبډلو ترمنځ د فوټسال سیالۍ د طاهریان لوبډلې په اتلولي پای ته ورسېدې
د بلخ ولایت د بدني روزنې او ورزش ریاست له لوري د یاد ولایت په مرکز مزارشریف ښار کې د ۱۶ لوبډلو ترمنځ د فوټسال سیالۍ چې یوه میاشت مخکې پیل شوې وې، د طاهریان لوبډلې په اتلولي پای ته ورسېدې.
د یادو سیالیو پایلوبه د طاهریان او حبیبي لوبډلو ترمنځ ترسره شوه، چې په پایله کې طاهریان لوبډلې د ۳/۱ ګولونو په توپیر خپلې سیالې لوبډلې ته ماتې ورکړه او اتلولي یې په خپل نوم کړه.
د دغو سیالیو موخه په بلخ ولایت کې د فوټسال لوبې وده ښودل شوې ده.
