هلمند؛ په ګرشک ولسوالۍ کې د ۱۷ لوبډلو ترمنځ د ټېپ بال کرکټ سيالۍ پای ته ورسېدې
د هلمند ولايت په ګرشک ولسوالۍ کې د ۱۷ لوبډلو ترمنځ، د ټېپ بال کرکټ رمضان جام سيالۍ د ګرشک زلميانو لوبډلې په اتلولۍ پای ته ورسېدې.
د دغو سياليو پايلوبې ته ګرشک زلميانو او اريانا لوبډلې لار موندلې وه، چې په پايله کې لومړی توپوهنه ګرشک زلميانو لوبډلې وکړه او په ټاکلو اتو اورونو کې يې سيالې لوبډلې ته د درېوو لوبغاړو په زيان ۹۶ منډې هدف کېښود، د لوبې په دويمه پاڼۍ کې اريانا لوبډله د ياد هدف په پوره کولو کې پاتې راغله او په اووه ويکټو يې ماتې وخوړه.
په پای کې غوره لوبډلو او لوبغاړو ته چمتو شوې ډالۍ ورکړل شوې.
