کندهار؛ سليمي لوبډلې د عينو مينې د کامران جام فوټبال سياليو اتلولي وګټله
د کندهار ولايت د مرکز اړوند په عينو مينې ښار ګوټي کې د ۱۶ لوبډلو ترمنځ د فوټبال کامران جام شپنيو سياليو اتلولي سليمي لوبډلې خپله کړه.
د دغو سياليو په پايلوبه کې سليمې لوبډلې خپلې سيالې عينو اتلانو لوبډلې ته د ۳_۰ ګولونو په توپير ماتې ورکړه او اتلولي يې خپله کړه.
دغه سيالۍ د روژې مياشتې له پيل سره سمې پيل شوې او تېره شپه د سليمي لوبډلې په بريا پای ته ورسېدې.
هېره دې نه وي چې په پای کې غوره لوبډلو او لوبغاړو ته د ورزشي مسوولينو له لوري چمتو شوې ډالۍ ورکړل شوې.
