پکتيکا؛ مرکز ښرنه کې د ۴۰ ورزشکارانو ترمنځ د تيږې اچوونې سيالۍ ترسره شوې
د پکتيکا ولايت د بدني روزنې او ورزش امريت اړوند د ملي او دوديزو لوبو مديريت له لوري د ياد ولايت په ښرنې ښار کې د ۴۰ ورزشکارانو ترمنځ د تيږې اچوونې سيالۍ ترسره شوې.
دغه سيالۍ، چې يوه ورځ يې دوام وکړ، په پايله کې حنظله لومړی، ابراهيم دويم او شاه محمد بيا درېيم مقام ترلاسه کړ.
د دغو سياليو د ترسره کېدو موخه ملي او دوديزو لوبو ته وده ورکول ښودل شوي وو او په پای کې غوره ورزشکارانو ته چمتو شوې ډالۍ ورکړل شوې.
