هلمند؛ گرمسېر ولسوالۍ کې د ۱۶ لوبډلو ترمنځ د فوټبال شپنۍ سيالۍ پيل شوې
د هلمند ولايت د بدني روزنې او ورزش امريت اړوند د فوټبال فدراسيون د استازولۍ له لوري د گرمسېر ولسوالۍ په افغان ورزشي لوبغالي کې د ۱۶ لوبډلو ترمنځ د يووالي په نوم د فوټبال شپنۍ سيالۍ پيل شوې.
د يادو سياليو لومړنۍ لوبه د دروېشان لېسې او سيال افغان لوبډلو ترمنځ ترسره شوه، چې په پايله کې سيالۍ له ۲/۲ ګولونو په ترسره کولو سره مساوي پای ورسېده.
د دغو سياليو د ترسره کېدو موخه د ورزشکارانو ترمنځ يووالی او خلکو ته د سالمې تفريح برابرول ښودل شوي دي، چې شاوخوا ۲۴ ورځې به دوام وکړي.
